Кате – Зголемен број на заболени лица од H1N1

Од дополнителните лабораториски анализи во Институтот за јавно здравје, уште кај девет пациенти кои беа сомнителни на грип докажано е присуство на вирусот.Двајца од пациентите се борат за животот. Се  работи за мажи на 38 и 70 годишна возраст, од кои едниот има воспаление на белите дробови и уште веднаш по приемот е приклучен на апарат за дишење.

– Овој болен од грип кај нас е хоспитализиран пред два дена и кога веќе се развиле компликации од болеста, а симптомите му се појавиле пред 4 – 5 дена, но состојбата во меѓувреме не се смирила – вели д-р Сања Маринковиќ, инфектолот на Клиниката за инфективни болести во Скопје.

doctor-examining-patient

Голубинка Бошевска од Институтот за јавно здравје истакна дека од деветте нови позитивни случаи кај шест станува збор за вирус на грип од типот А (H1N1), а кај двајца за вирус на грип од типот А (H3N2), додека кај еден случај кој многу доцна е дојден на Инфективната клиника е потврдено само инфлуенца А.

– Веќе неколку пати е спомнато од Светската здравствената организација дека веќе зборуваме за сезонски грип и не употребуваме термини свински грип или пандемски грип, изјави Јованка Костовска, раководител на Сектор за превентивна здравствена заштита при Министерството за здравство.

Досега има 13 позитивни лица со вирус на грип.

Leave a Reply